Tamang Pag-init ng Chicken Joy sa Microwave Oven

Nasubukan niyo na bang mag-init ang paborito niyong Chicken Joy sa Microwave oven? Ang KUNAT no?

Maikli lang itong post ko, baka sakaling makatulong sa mga taong mahilig magkulong sa kwarto at magpa-init na lang ng mga left-overs sa ref. Scientifically kasi talagang kukunat ang manok pero di ko na ipapaliwanag kasi di naman tayo scientist eh. Naisip ko lang ang solusyon kong ito para mabawasan ang starvation ng ating mga couch potatoes na kababayan nating tulad ko - di naman masyado!

Tagal naman kasi kung open ka ng kalan at isalang mo ang isang kawaling may mantika para lang initin ang kapiranggot na chicken di ba? Tapos lalo pang mag-mamantika yung chicken joy niyo di ba?

Sige na nga, atat na kayo eh.

Actually, natutunan ko ito sa panonood ko ng Yakitate Japan. Kung hindi niyo alam, ito yung kwento ng isang batang magaling mag-bake ng mga tinapay at ... ah.. okay sige na nga. Baka umusok na ilong niyo sa galit eh hehehe!

1. Ilagay sa plato ang inyong paboritong napakasarap na chicken joy (pwede rin Al-Baik kung sa Jeddah kayo or Kenny Roger's na chicken or Max, etc..).
2. Sabayan niyo na ng kanin para mas masarap kain niyo. (Daming patalastas no?)
   
3. Kumuha ng isang cup ng drinking water, kahit hindi puno at itabi sa chiken joy niyong napakasarap!
4. Ipasok sa loob ng microwave oven.
5. Yung time kahit gaaano katagal basta wag lang isang oras dahil ubos ang tubig sigurado, sunog ang chicken joy nyong napakasarap at ang taas ng kuryente niyo for sure. Sige kahit mga 2-3 minutes siguro okay na.
6. Kamay ilagay sa baba at pag nag-buzz ang microwave, may mainit na kayo at napakasarap na chicken joy na hindi pa makunat at may kanin pa. Yung mainit na tubig pwede niyong lagyan ng kape, asukal at gatas para mas masarap kain niyo di ba?
   

Ilalagay ko sana ito sa isang blog ko about tips pero di related ito sa aking blog, pero teka subukan ko rin. I hope nakatulong ito ng lubos sa inyong lahat. Isang masarap na chicken joy lamang po ang nasawi sa aking ekperimentong ito at natunaw na siya sa aking tiyan. Kung anomang di kanais-nais ang mangyari sa inyong kusina habang isinasagawa ang method na ito ay DI KO KASALANAN! May problema malamang oven niyo at dapat na bumili kayo ng bago.

O di ba, di pa mamantika ang paborito niyong napakasarap na chicken joy! Kain na!